Сезона на розите. Како да направите џем од рози? Рецепт

Сезона на розите. Како да направите џем од рози? Рецепт

Џем од роза е одличен начин да уживаме во мирисот и аромата на розите и по нивното прецветување и завршување на сезоната.

Секако дека имајки го во вид  вашето предходно искуство, со правење џем, можете рецептата да си ја измените.

Потребни состојки:

  • 250 гр. Ливчиња од роза (најдобра е онаа бледо розева, има интензивен мирис и е со многуслојни ливчиња)
  • 1 / 4 Лажиче лимонтус
  • 1 /4 Чаша шеќер

Лимонтусот и шеќерот се мешаат, нежно со рака, со предходно измиените и исушените розови ливчиња. Добро е да се остави подолго време во фрижидер.

Се почнува со подготовката за џем. Потребно е:

  • 750 гр. Шеќер
  • 400 мл вода
  • 1/ 2 лажиче лимонска киселина

Сезона на розите. Како да направите џем од рози? Рецепт

Се зема половина од смесата која предходно ја направивте. Се загрева водата во тенџере. Се става половина од смесата и се готват околу 10 минути, додека ливчињата не омекнат и обелат. Се вадат ливчињата и во водата се става шеќерот и се готви 10 минути или додека не се добие конзистентна смеса, како шербет. Шербетот ќе стане со убава боја и ја проверуваме густината меѓу прсти или на тацна.

Се враќаат розовите ливчиња во шербетот. Се проверува густината на шербетот. Кога капката е доволно цврста слаткото е готово. Слаткото на крајот има убава боја и прекрасен вкус.

Остатокот од розовите ливчиња може да ги ставите во замрзнувач или пак да направите дупла доза.

Добар апетит!

Погледнете го следниот линк, кој сликовито и детално ќе ви го прикаже начинот на подготвување на џем од ливчиња од роза.

https://www.youtube.com/watch?v=Gu0EZ_Ui0xs